አኩፋዳ ማይክሮ ፋይናንስ የኢንፎርሜሽን ቴክኖሎጂ እና የአዲስ አበባ ማስተባበሪያ ቢሮውን በዛሬው ዕለት ሥራ አስጀመረ!

አኩፋዳ ማይክሮ ፋይናንስ እ.ኤ.አ በ2031 ኢትዮጵያ ውስጥ ከሚገኙ ማይክሮ ፋይናንስ ተቋማት መካከል መሪ የመሆን ራዕዩን ለማሳካት ከያዛቸው ቁልፍ ተግባራት ውስጥ አንዱ የዲጅታል ሽግግር ነው::

ይህንን ሽግግር ዕውን ለማድረግ የተቋማችንን የኢንፎርሜሽን ቴክኖሎጂ ክፍል ቢሮ በአዲስ አበባ ከተማ በማድረግ በሰለጠነ እና ሰፊ ልምድ ባለው የሰው ኃይል የማደራጀት ሥራ በመሠራት ላይ ይገኛል:: በዛሬው ዕለትም ክፍሉን በአዲስ የማዋቀር ሥነ ስርዓት በአዲስ አበባ ከተማ ተከናውኗል::

ከዚህ በተጨማሪም በአዲስ አበባ እና አካባቢዋ ያሉትን ቅርንጫፎች በተጠናከረ ሁኔታ ለመደገፍ በሚያስችል መልኩ የአዲስ አበባ ማስተባበሪያ በአዲስ መልክ ተደራጅቶ በዛሬው ዕለት በይፋ ሥራ ጀምሯል::

የመክፈቻ ሥነ ሥርዓቱን ንግግር በማድረግ ያስጀመሩት የተቋሙ የዳይሬክተሮች ቦርድ ምክትል ሰብሳቢ ዲ/ን ካሳሁን ደገፉ፣ የክፍሎቹ በሰለጠነ የሰው ኃይል እና ቴክኖሎጂ መደራጀት የውስጥ አሠራሮችን ለማዘመን፣ የዲጂታል አገልግሎቶችን ለማስፋፋት፣ የመረጃ ደህንነትን ለማጠናከር፣ የውሳኔ አሰጣጥን ለማቀላጠፍ እና ለደንበኞች የተሻለ አገልግሎት ለመስጠት ያለመ መሆኑን ገልጸዋል::

የተቋሙ ዋና ሥራ አስፈጻሚ አቶ ሲራክ ግርማ በበኩላቸው፤ በዛሬው ዕለት ሥራ የጀመሩት ሁለቱም ክፍሎች ለደንበኞቻችን ዘመኑ የደረሰበትን ቴክኖሎጂ በመጠቀም ቀላል፣ ፈጣን እና ተደራሽ አገልግሎት ለመስጠት በሚያስችል መልኩ የተደራጁ ናቸው ብለዋል::

አኩፋዳ ማይክሮ ፋይናንስ
ስኬትን በተግባር!